Tuesday 12 June 2012

There wis a cooncillor...


(tae the tune o A Scottish Soldier)


There wis a cooncillor, a Labour cooncillor,
she had been oot aw day, this wis a Saturday
She wis a cooncillor, this Labour cooncillor,
She'd focht oan pollin day, an focht an won...

She beat the Tory, an loved tae bore ye
wi tales sae spurious an mak ye furious,
but noo she's silent, cos she wis violent,
an lamped the long airm o the law...

An she wis reelin, she wis squealin,
"Ah'm a cooncillor! Ah'm a cooncillor!"
Oh she wis reelin, she wis squealin,
"Don't you know who I-ee am?"

An noo this cooncillor, this Labour cooncillor,
who had been oot aw day an drinkin hard aw day
tho nearly fallin, heard music callin,
wantit tae dance away until the dawn...

She hailed a taxi, doon tae the Palais,
where she could dance away, an pit mair drink away
but when she got there, there wis a queue there,
an there the long airm o the law...

An she wis reelin, she wis squealin,
"Ah'm a cooncillor! Ah'm a cooncillor!"
She wis reelin god she wis squealin,
"Don't you know who I-ee am?"

Noo see this cooncillor, this Labour cooncillor,
been oan the lash aw day, an actin flash aw day,
So up she goes there, richt tae the door there,
she thocht that she could go walkin in...

They widnae let her, an that upset her,
mind she wis stocious, behaved atrocious,
an noo she's silent, cos she got violent,
an lamped the long airm o the law...

As she wis deckin him, she wis threatenin him,
"Ah'm a cooncillor! Ah'm a cooncillor!"
She wis abusin him as she wis bruisin him,
"Don't you know who I-ee am?"

Oh she wis reelin, she wis squealin,
"Ah'm a cooncillor!" Ah'm a cooncillor!"
She wis freakin an she wis shriekin,
"Don't you know who I-ee am?"


6 comments:

  1. Brilliant, jist bliddy brilliant!

    ReplyDelete
  2. Welcome back, Sophia, I only found you by accident, you sly wee thing. As Hazel said brilliant, as always.

    Your devoted fan, JohnB x

    ReplyDelete
  3. John: I reckon she's been hiding from us because she got a few bottles from Mr P when he had that wee win on the lottery...and didn't want to share them...

    But now we've found her.

    Sophia... Yayyyyyyyyyy.

    We missed you. xxx

    Now get the sherry open.

    ReplyDelete
  4. Oh... great wee song btw.... (Is this a Edinburgh councillor?) We can sing it going home from your place tonight!!!!

    ReplyDelete
  5. Hullo there you twa rapscallions, ye found ma wee but'n'ben, no that ah've been hidin really, ma name's oan the door an everythin, but ah dinnae go aidvertisin sae much cos ah've no got the room fer pairties in here... here ah'll move thae papers an ye can sit oan that box... still it's mair roomy than Twitter, it's standin-room only in there... still it's nice if ye're lookin fer company...

    Ah'm gled ye like the wee song, an aye, it wis an Edinburgh cooncillor, but ither than that ma lips are sealed...

    ReplyDelete
  6. Sophia,

    First of all I'm sorry to hear your lips are sealed - have you thought of a different brand of lipstick or does Mr P allow that kind of frivolity? Love your wee song and your previous posts. More please!!

    ReplyDelete